МАНГАЗЕЙ

, мангажы юум. н., түүх. таряа тушаан абадаг һангай газар. 19-хи зуун жэлдэ буряад зон налог түлэхын орондо таряа тушааха эрхэтэй болоhон; ородой бии болоhон түрүүшын үедэ заабол булган мэтын ангай арhаар албаяа түлэдэг байhанаа, hүүлдэнь ондоо юумээр түлэхэ зүбшѳѳлтэй болоhон. Нүүдэл hуудалтай, таряа таридаггүй зон албаяа түлэхын тулада тэрэ мангажыhаа таряа худалдажа абаха баатай болодог байhан. Энэнь талын буряад зондо ехэл хүндэ байжа, дээдын газарта олон гуйлтатайгаар хандаhанай эсэстэ мангажыда таряа тушаалга 1817 онhоо болюулагдаhан байгаа (магазин, принимающий и продающий гарнцевый хлеб): Наранай гараха үедэ Хонхор Булагай айлнуудай дунда байһан мангажы доторһоо гарнуудынь арадань хүлиһэн дүшэн хоёр хүнүүдые нэгэ-нэгээр һубарюулан гаргажа… (Ц. Дон).