МАЛААГША(Н)

(н) 1. тэмд. н. нюдэнүүдэйнь хоорондуур доошоо, аман хүрэтэрѳѳ сагаан һудал, толботой, мүн саминь сагаан байжа болохо, тѳѳн сагаан (с белой полосой, белым пятном на лбу или между ног): Аянда ябаһан нэгэ ородһоо худалдажа абаһан бишыхан тулам гурилайнгаа һүүлшынхииень тогоон соо хууража, малаагша гунжанайнгаа һүндэ худхаад, нюурайнгаа улайлдашатар эхэ хүбүүн хоёр ууба (Д. Батожабай); 2. юум. н. эбэрнүүдэйнгээ хоорондоһоо эхилээд, нюдэнүүдэйнь хоорондуур доошоо, аман хүрэтэрѳѳ сагаан һудал, толботой үнеэн, мүн саминь сагаан байжа болохо, тѳѳн сагаан үнеэн (корова с белой полосой, белым пятном на лбу или между ног): Энэ ойтой холбожо, элдэб хэмжээ ябуулга үнгэргѳѳ һаамнай, тэрэ улаан малаагшануудые хаража байһан зондо нэн түрүүн һайн байха һэн (Ц. Цырендоржиев).