МАЙЛА I

1. юум. н. 1) ой модогүй, халзан гүбээ, хүтэл, добо дошо (безлесный холм): Гурбан Байтаһадай оройһоо бууһан үдхэн сагаан манан майланууд дээгүүр шэрэлдэнэ (Ц.-Ж. Жимбиев); Майлын саана майла, / Гүбээн саана гүбээ, / Мянган жэлэй зэрэлгээн / Хүһѳѳгүүдэй шэбээ (Д. Улзытуев); майла хаданууд модогүй, ой модогүй үндэр газар, халзан добо толгойнууд (безлесные возвышенности): Улаан шара эрье гангаар наагуураа амхайһан, абар-табар модотой майла хаданууд харагдана (Ч. Цыдендамбаев); 2) хадын добуунай урда, үбэр тала (южная сторона сопки, горы): Хадын хаяада хахалагдажа байһан майлын дэгтэ нэгэ ехэ хорёо хотоной һуури шэнги харлана (Ц.-Ж. Жимбиев); 2) модогүй ойн соорхой, түнгѳѳг, халзан толбо (прогалина): Үлэн хооһон мориниинь шүдэртэйшье һаа, горхониие уруудажа, халзан хадын майлада, шэнэ ногооной ургажа үрдиһэн газарта бэлшэжэ ябаба (В. Гармаев); 3) наруули газар (солнцепёк); ○ хада гэжэ үгэтэй парн. хэрэгл.