МАГНАЛ

1. юум. н. угалзатай, хээтэй хитад торгон (китайский узорчатый шёлк): Нэгэ гэр соо газарта шэнэхэн сагаан һэеы дэбдеэд, дээрэнь түхэреэн толбото хоргой, һолонго хирхагтай магнал, сэсэг набша хээтэй торго хэдэн һамгад һэнгэргүйгѳѳр хайшална (Б. Санжин, Б. Дандарон); магнал торгон а) угалзатай, хээтэй хитад торгон (китайский узорчатый шёлк): Тэрээниие зубшан ургаһан шугы бургааһан ямар нэгэ магнал торго хэдэрээд байһан шэнги, соохорлон эреэлэн харагдана (Х. Намсараев); б) угалзатай, хээтэй хитад торгоор оёгдоһон (сшитый из китайского узорчатого шёлка): Шэтын вокзалай перрон дээрэ халюу булган малгайтай, номин шүрэ дэнзэтэй, үүлэн соогуур хотиролдожо хэбтэһэн луу хээтэй магнал торгон дэгэлтэй буряадууд үймэлдэнэ (Ж. Балданжабон); азаа магнал алталмал, мүнгэлмэл утаһаар луу хээ гаргажа нэхэгдэһэн, зузаан торгон бүд (китайский шёлк с рисунком дракона, вышитым золотыми и серебряными нитями): Азаа магналаар оёгдоһон юумэн айхабтар үнэтэй болодог туладань үргэлжэ азаа магналаар дэгэл оёдоггүй, харин тэрлигэй хүбѳѳ, хяаза гэхэ мэтые хэдэг байһан; 2) хээтэй хитад торгоор оёгдоһон хубсаһан (одежда из китайского узорчатого шёлка); торгон магнал алтан утаһаар нэхэгдэһэн хубсаһан (вытканные золотом шёлковые одежды): Худа худагы хоёрни ехэ хүбүүн Мантахайнгаа гэрэй буухада, тѳѳ халюутай, түхэреэн хээтэй, хахинама хүхинэмэ, һарьмай һаари шэнги торго магнал үмдэһэн юм гэлсэгшэ (Х. Намсараев); 2. тэмд. н. 1) угалзатай, хээтэй хитад торгоор оёгдоһон (сшитый из китайского узорчатого шёлка); магнал (гадартай) дэгэл луу хээтэй зузаан хитад торгоор гадарлаһан дэгэл (шуба, крытая китайским шелком с изображением дракона): Дамбахай хэдэн жэл хадагалжа ябаһан халюун туруутай магнал дэгэлээ үмдэжэрхиһэн, хоймортоо түбшэн янзаар һуунхай, хүрьгэн хүбүүнтэеэ хѳѳрэлдэжэ, эдеэлжэ байна (Ж. Тумунов); магнал тэрлиг алталмал, мүнгэлмэл утаһаар луу хээ гаргажа нэхэгдэһэн зузаан торгоор оёһон тэрлиг (летний халат, сшитый из шёлка с рисунком дракона, вышитым золотистыми и серебристыми нитями); 2) шэлж. эреэн соохор (пёстрый, цветастый): Хүнэй нюдэ баярлуулхаар ургаһан магнал һайхан сэсэгүүдые низа дараһаар гүйхэн уһатай һубаг уруу тэбэрилдэһэн шэгтээ тэдэ хоёр унашабад (Д. Батожабай); 3) шэлж. һайхан (прекрасный): Агаарта дуулан байһан жэргэмэл хүхэ магнал огторгойн үбсүүндэ хадажархиһан шагта мэтээр үзэгдэнэ (Ж. Тумунов).