МҮШЭ(Н)

(н) юум. н. 1) һүниин огторгойдо хүнэй нюдэндэ жэжэ ялагар толбо мэтэ гэрэлтэжэ харагдадаг одон (звезда, звёзды): Удааншье саг үнгэрѳѳгүй, орьёл хабсагайта зүүн үндэрэй оройгоор гэрэлтэй мүшэн яларан бултайжа, нуур баяртайгаар гэрэлтэшэбэ (Д.-Д. Дугаров); Шанага мүшэн байг.-худ. Долоон үбгэн, тэнгэриин хойто хахад бүмбэрсэгэй аймаг одон, долоон мүшэниинь барюултай шанагын түһѳѳтэй (Большая Медведица); Дохюур мүшэн Полярна тойрогой хажууда байдаг тэнгэриин хойто хахад бүмбэрсэгэй 25 мүшэнһѳѳ бүридэһэн аймаг одон (Малая Медведица); Суг мүшэн үхэрэй ордондо байдаг мүшэдэй таруу обоороон. Түрүүшын тохёолгондо – намарай Эхин һарада Сүг мyшэнэй һарынгаа доогуур зѳѳжэ гараа һаань, хүйтэн үбэл, дээгүүрнь гараа һаань, дулаабар үбэл ерэхэ гэлсэдэг (созвездие Плеяды): Суг мүшэд баруун тээшээ хэлтынхэй, нилээдгүй оройхон болоһон янзатай (Б. Мунгонов); 2) одон, табан хушуутай юумэн, офицернуудай илгаагай тэмдэгшье боложо хэрэглэгдэдэг (геометрическая фигура, предмет с треугольными выступами по окружности): Улаан сэрэгшын малгайн мүшэн, станогой ташаадахи мүшэн нэгэ удхатай, тэдэнэр фронт тыл хоёрой нэгэ зорилготойе гэршэлнэ (Ж. Тумунов); табан хушуута мүшэн табан үзүүртэй одон (пятиконечная звезда): Малгай дээрэнь табан хушуута мүшэн ялалзана; генералай томо мүшэнүүд генералай илгаагай тэмдэг, тэрэнэй зэргэ (генеральские звёзды); ○ одон гэжэ үгэтэй парн. хэрэгл.