МҮРЫСѲѲ(Н)

ѳѳ(н) юум. н. нааданда гү, али спортдо хүнүүдэй амяараа гү, али бүлэгѳѳр бэе бэеһээн дүй дүршэлѳѳрѳѳ үлүү байха гэһэн оролдолго, эрмэлзэл, урилдаан (соревнование, состязание): Бүхэ барилдаан, һур харбаан, мори урилдаан ба гүйдэл харайдалай, элдэб нааданай мүрысѳѳн зарлагдажа, хүн зоншье хүл хѳѳрсэг болоно (Д. Эрдынеев); мүрысѳѳндэ хабаадаха урилдаанда оролсохо (участвовать в соревновании): Зүгѳѳр тренернүүдэй, мүн Ринчинэйшье үгэдэ оронгүй мүрысѳѳндэ хабаадахаяа таһа арсаа (С. Цырендоржиев); мүрысѳѳ хэхэ урилдаа хэхэ (проводить соревнование, соревноваться); социалис мүрысѳѳн СССР-эй үедэ үйлэдбэриин оронууд, цехууд, бригаданууд, тусгаар хүдэлмэришэдэй хоорондо болодог урилдаан (социалистическое соревнование): Хоёр нютагай фермын залуушуул социалис мүрысѳѳ баталжа, элдэбын спортивна, уран һайханай болон бэшэшье хэмжээ ябуулгануудые хэжэ байхые хэлсэһэнээ мэдүүлбэ (Ц.-Ж. Жимбиев).