ЛАЖАГАНАСА

наречи бардаастайгаар, бажаганаса, нижаганаса, бад гэмэ шангаар (громко, шумно): Тэрэнь голигор ехэ, юумэн бүхэниие соо шэртэһэн нюдѳѳрѳѳ эдеэлжэ һууһан Кузнецовтониие хаймадаад, … соохор мориндоо мордожо, байра дээрэнь хэды эрьелдүүлээд, лажаганаса соёруулһаар ябашаба (А. Ангархаев); лажаганаса энеэхэ шангаар, ташаганаса, бажаганаса энеэхэ (громко, раскатисто смеяться): Энэ үедэ үнѳѳхи һүүдэрынь дүтэлһѳѳр дүтэлжэ, Балта таабай Арданиие багсаан танихадаа лажаганаса энеэжэрхибэ (М. Осодоев); лажаганаса дуулаха шангаар, хонгёогоор дуулаха (громко, звонко петь): Ла-ла-ла! / Ла-ла!.. – / Лаб тодоор / Хэлэебди, / Лажаганаса / Дуулаябди (Ж. Зимин).