ИРАХА

үйлэ ү. 1) нээхэ, үргэхэ, хажуу тээшэнь гү, али хоёр тээшэнь болгохо (приподнимать, приоткрывать, раздвигать, откидывать одеяло): Должод гэнтэ харата муухай зүүдэнһээ һэриһэндэл, хургануудаараа үһэеэ нюур дээрэһээ иража, Санжые сэхэ хараба (А. Ангархаев); Зѳѳлэхэн зүлгэ ногоон дээрэ эсэшэнхэй хүндѳѳр уухилан хэбтэхэдэм, ногооной гүлгэн хурса оройнуудые иран наадаһан һүниин талын һэбшээн хүлэршэһэн духыем аятайханаар эльбэнэ (А. Жамбалдоржиев); хүшэгэ ираха хүшэгэ хажуу тээшэнь болгохо (отодвигать занавеску): Тиигээд эдэнэй саашадаа юу хэлсэхые мэдэхэ гэһэн ехэ һонирхолынь Нинын айдаһые булижа, хүндэ хүшэгэеэ үлэ мэдэг ираба (Ч. Цыдендамбаев); зониие ираха хүн зониие хоёр тээшэнь түлхижэ гараха (раздвигать толпу): Нюрганиинь ара тээшээ гараад, обогор сээжэ дээрээ няалдашаһан толгойтой хүн гэнтэ хашхараад, таягайнгаа үзүүрээр зониие ираһаар, Буладай хэбтэһэн газар тээшэ шургашаба (Д. Батожабай); 2) һэхэхэ (листать): Иигэжэ ябатарнь шарлашаһан набшаһатай хэдэн модонуудай узууртахи налшагархан скамейкэ дээрэ нэгэ солдат газетэнүүдые иража һууба (Ж. Тумунов).