ИЛГАХА

үйлэ ү. 1) амяарлаха, тусгаарлаха, амяарайнь болгохо, газаашалха, хубааха (отделять, обособлять, сортировать): Намдаг баян шэшэржэ байһан гараараа шиилдэнхэй уялаатай туламаа тайлажа, арба-арбаар хашарһануудые илган, саарһанда бооһон мүнгэ үгэбэ (Д. Батожабай); илган холодхолго түрэ бод. бусадтай харилсаагүй болголго, һалгаалга, амяарлалга, тусгаарлалга (разобщение, изоляция); 2) ямар нэгэн шэнжэ шанараар танижа абаха (различать, отличать): Амиды наһан үхэл хоёрые илгажа мэдэхэгүй нугаһадай амида үлдэгшэ нэгэниинь бүришье хайратай ха юм (Ч. Цыдендамбаев); илган таниха бусадһаа, олонһоо элирүүлэн таниха (распознавать, отличать); арайхан илгамаар арай гэжэ дуулдамаар, танимаар (едва различимый): Бүдэхеэр hүрэhэн буунуудай абяанай дунда арайхан илгамаар хүнхинѳѳн дуулдана (Г.-Д. Дамбаев); 3) элеэр харуулха, онсолхо, онсо тэмдэглэхэ (выделять): үгые доогуурынь зуража гү, али хара шрифтээр сохижо илгаха.