ИИҺЭЭР

, иигэһээр наречи удангүй, энэ дороо, нэгэ хэды болоод (вскоре): Ииһээр мордохо сагшье хүрэжэ ерэбэ (Б. Санжин, Б. Дандарон); Иигэһээр саһаншье болихо янзатай: хойто һарьдагуудай саанаһаа тэнгэри сэлмэжэ эхилэнхэй (Ц.-Д. Хамаев); ииһээр (гү, али иигэһээр) байтар тиитэр, тиигэтэр, тииһээр байтар (тем временем): Ииһээр байтар холоһоо хонхын нарьяха абяан дуулдажа, хүн зоной юрьен газаашаа гарахада, гурбан харые оруулһан повозко тэргэтэй түглэгэр хара юумэ ухаа тооһо бурьюулан ерэжэ ябана (Х. Намсараев); Иигэһээр байтар врач Анна Захаровна ерэбэ (Ж. Тумунов).