ГУТААХА

үйлэ ү., идх. залог 1) муудхааха, муухай болгохо, уруунь татаха, эбдэхэ (портить, ухудшать, приводить в негодность): Хүнүүд энээниие харахадаа, яажа үшѳѳ ехые сабшажархёогүй гээшэбибди, тииһэн һаа хайран сабшалангаа гутаагаад лэ, дэмы һалаха байгаабди гэлсэхэ юм (Д. Эрдынеев); хэрэг гутааха хэрэг эбдэхэ (испортить дело): Аргатай байбал, хамаг хэрэгыень гутааһан муу һалихай Галиниие энэ доронь алаад хаяхаһаа арсахагүй байгаа (Ц. Дон); ◊ нэрэ (түрэ) гутааха нэрэ доройтуулха, нэрэ хухалха (порочить, позорить, бесчестить): Иигэжэ ябахадаа, ѳѳрынгѳѳ нэрэ хухалхаһаа гадна эхин түрүүн комсомолойнгоо нэрэ, колхозойнгоо нэрэ, тэрэ шамайе бэшэһэн газетын нэрэ гутаажа ябанаб гэжэ мэдэнэ гүш? (Ц. Шагжин); …нэрэ түрэеэ гутаабаб, – гэжэ сухалтайгаар дуугарба (Х. Намсараев); дура гутааха дурагүй болгохо, гомодхоохо, торомынь хүндэхэ (вызвать антипатию, не удовлетворять, обидеть): Харин зантагар сагаан хүрьгэниинь үдэшэлэн мориной хуухирһандал шангаар хурхираад, хүгшэнэй дура гутааба һэн (С. Цырендоржиев); 2) үжѳѳхэ, гашалгаха (гноить, портить): …үбһѳѳ … ехээр гутааһан зүйл байхаһаа гадна… (Х. Намсараев); 3) гажарааха, сэдьхэл зобоохо (расстраивать): «Сэхынь хэлэхэгүй, дэмы шамайе гутааба гүб? Теэд ши юундэ центр ябашаба гээшэбши?» – гэжэ һанахатайнь адли, досоонь ехэ гунигтай болошоно (Д. Эрдынеев); hанаан сэдьхэлээ гутааха hанаагаа зобоохо (расстраиваться, переживать): Гэмшэхэ, һанаан сэдьхэлээ гутааха юумэн мүнѳѳ намда үгы, наһан соогоо нэгэшье хүндэ муу юумэ хэһэн байхагүйб, һананагүйб (Б. Санжин, Б Дандарон); hэшхэл гутааха сэдьхэл зобоохо (доставлять душевные страдания): – Хэрбээ энэ нүхэртѳѳ үгэһэн тангаригаа эбдээд, нүхэрэйнгѳѳ һэшхэл гутаагаад байгаа һаа, тамын галда шатажа үхүүжэм! (Ц. Шагжин).