ГУНХУУЛХА

үйлэ ү., идх. залог һанжуулха, доошонь харуулха, унагааха – толгой тухай (склонить голову, повесить голову): Чимидсуугай эжы стул дээрэ һуугаад, толгойгоо стол дээрэ гунхуулан, орилжо байтараа, гүйжэ ошоод, бурханай шэрээ шаажа оробо (Ц.-Д. Хамаев); толгойгоо гунхуулан зогсохо доошоо харан зогсохо (стоять, склонив голову): Харгын зүүн талада, эгсэ эрид эрье дээрэ малгайгаа абаhан сэрэгшэд толгойгоо гунхуулан зогсонод (Г.-Д. Дамбаев); толгойгоо баруун дала мүрэ уруугаа гунхуулха толгойгоо баруун тээшэнь хазайлгаха (наклонить голову вправо): – Энээнтэйл хѳѳрэлдэгты, – гэжэ бульдозерист хэлээд, ерэжэ ябаhан тэрэ машина тээшэ толгойгоо баруун дала мүрэ уруугаа гунхуулба (Г.-Д. Дамбаев).