ГУЙЛТА

юум. н. 1) эрилтэ, гуйлга (просьба, прошение): Иигэжэ Болодой хэлэһэн гуйлтаһаа улам Майдар абадаа ошохо гэжэ шиидээ юм (Д. Эрдынеев); «Үбһэ, һолоомо зѳѳхэ шэнэ машинануудые олоор үгэжэ хайрлыт…», «Бензин түлишын лимит нэмээгыт..», дабхар гуйлта, олон дабхар гуйлта. Саарһан гуйлта, телефон гуйлта, телеграмма гуйлта, нюураараа гуйлта (Б. Мунгонов); гуйлтые дүүргэхэ эрилтые бэелүүлхэ, гүйсэдхэхэ (удовлетворять прошение, исполнять просьбу): Харин Гайдан тайшаа Рагузинскиин энэ гуйлтые дүүргэжэ шадаха шадалтай хүн байжа, Ланготые хилэ дээрэһээ абаашуулһан гэхэ (Б. Санжин, Б. Дандарон); 2) мэдүүлгэ, саарһан эрилтэ, эрилтэ хангахые гуйлга, хандалга (заявление, кассационная жалоба): Фронт эльгээгыт гэжэ гуйлта баряа бэлэйб (Б. Шойдоков); гуйлта мэдүүүлгэ саарһан эрилтэ (заявление): Военкомадта гуйлта мэдүүлгэ бэшэhэнээ, эндэ эсэгынгээ хүүр бэдэржэ ябаhанаа эжыдээ бэшээгүйб (Г.-Д. Дамбаев); гуйлта үгэгшэ саарһа бариһан хүн, хандагша (заявитель): Энээнэй һүүлээр энэ хамтын ажалда орохоёо гуйлта үгэгшэдые туд тудтань гараа үргэн шиидхэнэд (Х. Намсараев).