ГОЗОН

тэмд. н. ганса, ори ганса (одинокий): Гозон ганса гэр добо дээрэ тобойжо, дүрбэн зүгэй һалхинда үлеэлгэжэ, саһа бороодо сохюулжа байна (М. Осодоев); ганса бэе, гозон толгой (гү, али гозон бэе, мухар тархи) гэр бүлэгүй, үхи хүбүүгүй хүн (одинокий, бессемейный человек): Тиигээд лэ Дарисоо хээрын хуушан буусада ёдойжо үлэһэн гасуугай узуур шэнги ганса бэе, гозон толгой болошоо бэлэй (Ж. Балданжабон); Гансата иигээд һалашаха юм һаань, юунэй түлѳѳ оролдообиб? Гозон бэе, мухар тархи (М. Осодоев).