ГОРИГОР

, гуригар тэмд. н. үндэр, һүүзэгэр (высокий и худой): Уданшьегүй дахин сахилгаанай гал улагашажа, таһа буушаһан самсатай, горигор туранхай үбгэн дуугаржа ядажа, доронь хэбтээ һэн (Д. Батожабай); горигор хабһан ёдойжо гараһан хабһан (торчащие рёбра): Тэрэнэй горигор мяхагүй хабһан дээргүүрнь орёоһон уршагар хүрин арһыень болон булшан гуягүй болошоһон жүрэгэр хүлыень харахада, нюдэ халтирма байба (Д. Батожабай).