ГОЛЛУУЛХА II

үйлэ ү. 1) дунда оруулха, дунда табиха (ставить посередине, устанавливать посередине): Шэгэдхэ модон оёортонь шэрдэг ковёр дэлгээжэ, гоёхон стол голлуулаад, гурбан стул тойруулһан таһаг нараар яларна (Х. Намсараев); 2) ямар нэгэн хараа бодол баримталуулха (заставить придерживаться какой-л. точки зрения): «Үтэгжүүлгэ мүртэй хэгдэнэгүй, оройдоош хэгдээгүй гэхэдэ болохо» – гэжэ сэхэ бүхынь Буда Бадмаевичта голлуулхадань: «Ямар ухаалдилга хэрэгтэйб?» (Ц.-Д. Хамаев).