ГЭШХҮҮР

юум. н. 1) юумэн ѳѳдэ дамжан гараха хэрэгсэл (лестница): Хоёрдохи дабхар ѳѳдэ гараха гэшхүүрэй дэргэдэхи столой саана һууһан милиционер тэдэ хоёрой урдаһаа бодожо, гараа үргэн, сэрэгэй ёһоор амаршалба (С. Цырендоржиев); эгсэ гэшхүүр үндэр табсангуудтай юумэн ѳѳдэ дамжан гараха хэрэгсэл (крутая лестница): Эгсэ гэшхүүр ѳѳдэ хүндѳѳр алхалан гарана (Ц.-Ж. Жимбиев); аргамжа гэшхүүр юумэ хүлидэг ута ооһороор хэһэн ѳѳдэ абирха хэрэгсэл (верёвочная лестница): Тэдэ намайгаа алдажархёод, дээгүүрни элисэгээн ябатараа оложо, бууха талмайн үгы байхадань, аргамжа гэшхүүрээ доошонь хаяба (Б. Мунгонов); 2) үүдэнэй үмэнэхи нэгэ хэдэн табсантай, ехэнхидээ һарабшатай талмайхан, хэрэлсы (крыльцо): Намжалай гэртэ дүтэлжэ ошоходо, шүүрхэ дээгүүр палааха дэбдижэ хэһэн гэшхүүрэйнь хажууһаа лаглагар хара нохой бодожо, залхуугаар, һѳѳлдэнхэйгѳѳр бороһоор урдаһаань дугшаба (К. Цыденов); 3) шата, табсан (ступенька лестницы, подножка телеги, машины, вагона): Кабина соогоошье бэшэ һаа, нэгэ тээтнай аһасалдаад ошоһуулби… – гээд, Бабуев машинын гэшхүүр дээрэһээ һүрэжэ, хажуугаарнь гүйнэ (Ц.-Ж. Жимбиев).