ГАЗАРДАХА

үйлэ ү. 1) газарта бууха, газарта тулажа хүрэхэ (приземляться, касаться земли): Вертолёдой сэндэгэр ногоон гэдэһэн дорохи мѳѳрнүүд ааляар газардажа, … шанга дүнгинѳѳншье замхашаба (Д.-Д. Дугаров); газардажа унаха газарта унаха (упасть на землю): Хэзээ нэгэтэ газардажа унаһан тэмээнэй үер сагаан яһаншье тэдэнэй зам дээрэ дайралдажа, үй бута һүрэн, шорой шохойтой холилдошоно (Д. Батожабай); 2) хайрта шаагдаха (сесть на мель): Нүхэд, бидэ газардахаяа ябана бэшэ аалди?.. Һэлюурээрээ тулагты!.. Эрье тээшээ түлхигтылши! (Ц.-Ж. Жимбиев); 3) шаргын саһагүй газараар шэрэлдэхэ (тащиться по голой без снега земле – о санях); 4) унаагүйдэхэ, ябагадаха (остаться без средства передвижения): Базар аймагай центр ошоһон аад, хоёр хоног унаа оложо ядан газардаба; Хани гурбан танкистнар нэгэ городто добтолгодо орожо ябатараа танкынгаа минэдэ тудагдахада, газардаха баатай болоо бэлэй (Ц.-Ж. Жимбиев); 5) шэлж. урагшагүйдэхэ, бэрхэтэй байдалда орохо, хүсэ шадалаа барагдаха (попасть в безвыходное или трудное положение): Ерээд бү газардаг гэжэ бидэ хоёр шамдаа байра һайсал бэдэрээбди (Ч. Цыдендамбаев); арга барагдаха (гү, али һалаха), шарга газардаха урагшагүйдэхэ, аргагүйдэхэ (сесть на мель – о затруднительном положении, чаще о безденежье): Зай, иихэдээ арга һалажа, шарга газардаба гэдэг одоол энэ ха юм даа… (Ч. Цыдендамбаев).