ГАРЬХАЛХА

үйлэ ү. 1) гарьхатай болгохо, сахариг һуулгаха (окольцовывать): Һүүлдэнь Галзутов нюдэдѳѳ ёлолзуулан, нүгѳѳ тээшээ хэсылһэн бэеэрээ тамхи һоросогоон, утааень дээшэнь гарьхалан үлеэсэгээн наадажа оробо (Б. Шойдоков); хазаарай ама гарьхалан зохёохо; 2) түхэреэлдүүлхэ, тойруулха, орёохо, боохо (обматывать вокруг): Манза номо гарьхалха Матагар бугын шандааһан, Манай дэлхэй гарьхалха Газаа ехэ далай (Ар. дуунһаа); Улаан зандан модоной оёорһоонь үгсэжэ, Гарьхалан орёожо, хорин гурбан толгойгоо ангалзуулан ерэжэ… (Х. Намсараев); 3) шэлж. толгой эрьюулхэ, дура буляаха, альбадаха (захомутать, заманить в свои сети): …хатарша морёороо дэрээвэн соогуур шуумайлгахадань, зарим хүнгэн зантай аляа эхэнэрнүүд аяг аашаараа маяглан, урьхалха гарьхалхаяа үрдилдэдэг байгаа (С. Цырендоржиев).