ГАРГАГДАХА

үйлэ ү., хүлеэгд. залог 1) доторһоо газаашаа шэлжүүлэгдэхэ (быть выведенным или вынесенным): Гэрэйнь хаяада модон хайрсагһаа гаргагдаһан онгонууд (Ч. Цыдендамбаев); 2) гаргуулха, хаһагдаха, хаюулха (быть исключённым): Энээн дээрэһээ ганса энэ уршагта Нимын түйгѳѳр ѳѳрѳѳ коммунаһаа гаргагдаһан байгаа гээшэ гүб? (Ц. Дон); ажалһаа гаргагдаха ажалһаа сүлѳѳлэгдэхэ (быть уволенным с работы): Ажалһаа гаргагдажа, ноён бэшэ болоо һаамни Балжадхан намайе үлдэхэл даа!.. (Д. Эрдынеев); тушаалһаа гаргагдаха тушаалһаа хаюулха, бууха (быть смещённым с должности): Энээн дээрэһээ хэды ехэ хэрүүл боложо, Шаргай ноён десятска тушаалһаа гаргагдаа һэн (Д. Батожабай); 3) хэблэгдэхэ, толилогдохо, баталагдаха (быть изданным или выпущенным): Энэ хуудаһан гурбан хоног бүхэндэ нэгэ удаа эдир һурагшадай хүсѳѳр гаргагдана, эгээ мүнѳѳ табадахи хуудаһаниинь эндэ няалгаатай байна (Х. Намсараев); Тиимэ саарһан манда үгы, зүгѳѳр дирекциин шиидхэбэри гаргагданхай (Д.-Д. Дугаров).