ГАРАГ I

юум. н. 1) нара тойрожо хүдэлхэдээ наранһаа тудаһан гэрэлээр гэрэлтэжэ харагдадаг наранай аймагай бэе, планетэ (планета): бага ехэ гарагууд; 2) долоон хоногой нэгэ үдэр (день недели): Намжалай үдэрнүүд иигэжэл, нэгэ жэгдэ намдууханаар һэлгэсэлдэн, гарагууд, неделинүүд, һаранууд боложо үлхэсэлдэн, үнгэржэл байба (К. Цыденов); Энээгээр гараад, энэ дугы дээгүүр … байза, мүнѳѳмнай гараг хэды гээшэб? (Ц. Шагжин); 3) долоон хоног (неделя): Бүхэли гараг хэнтэйш хѳѳрэлдэнгүй, иигэжэ зобожо ябаба (Ц.-Д. Хамаев); Гарагай нэгэндэ Доржо хүбүүдээр хадаһаа һолжорбо (Ч. Цыдендамбаев); Үглѳѳ гарагай долоондо уулзажа хѳѳрэлдэел (Ц. Дондогой); гарагай тэгшэ ба хэлтэгы 2, 4, 6 гэhэн тэгшэ тоотой гарагууд тэгшэ, бэшэниинь хэлтэгы гэгдэдэг байгаа. Буряад зон хэлтэгы гарагта харюусалгатай юумэ хэхэеэ сээрлэдэг hэн (чётные и нечётные дни недели): Бултааран номуун ёһоор ябадаг, гарагай тэгшэ хэлтэгые сахидаг, нэгэл хэмдээ үндэрлэдэг, үлэн бэедээ аршаан хүртэдэг (Ц.-Ж. Жимбиев); Ушар иимэһээ энэ мүнѳѳшье гарагай тэгшэдэ зѳѳгѳѳ һаамнай дээрэ гэһэншүүгээр айлдаба (Ц.-Ж. Жимбиев); гарагай hайн ба муу хүн бүхэнэй ямар жэлтэй, мэнгэтэйhээ боложо, тэрээндэ таарамжатай, ондоогоор хэлэхэдэ, амин, hүнэhэн гарагынь гэжэ байха; мүн таарамжагүй; ондоогоор – жисаа, эрлиг, хорюултай гарагынь гэжэ байха. Илангаяа жэлээ оруулжа ябаhан хүн жисаа гарагтаа сээрлэжэ, наряар бэеэ абажа ябаха ёhотой байгаа (хороший и плохой дни недели, определяемый астрологическим календарем по-разному для каждого человека в зависимости от возраста и других обстоятельств): Эжы, ши хүбүүм гарагай һайнда мордоо, тиимэһээ осол тодхорто дайрагданагүй гэһэншүү урматай ябааш (З. Гомбожабай).