ГАМНАХА

үйлэ ү. 1) химгадаха, хайрлаха, харамнаха, арьбалха (беречь, экономить): Ушар иимэһээ үбһэ тэжээлээ гамнаха, рацион нормо хэжэ эдюулхэ, һайн хагдатай бэлшээридэ адуулжа байха хэрэгтэй (Ц.-Ж. Жимбиев); ◊ нэдэнэй сэсэгы мэтэ гамнаха нарин хаража хамгаалха (≈ беречь как зеницу ока): Бадан Тасха хоёр баатар сагаан хаанда бэлэг барихаяа абаашажа ябаһан үнэтэй хитад торгон гадартай булган дэгэлээ … нюдэнэй сэсэгы мэтэ гамнажа ябадаг, хари хүнүүдэй хажууда гаргадаггүй байһан юм (Б. Санжин, Б. Дандарон); 2) хайрлаха, ѳѳгшѳѳхэ, дүмэхэ (жалеть, оберегать): Хүгшэнэй нюдэндэ Шойнжуур хүниие гамнаха, хайрлахые мэдэхэгүй хүн мэтээр харагдаба (С. Цырендоржиев); бэеэ гамнаха бэеэ хараха, бэедээ нарин ябаха, бэеэ адуулха (следить за собой, за своим здоровьем): Зүдэрхэ байдал хойно үлѳѳ, мүнѳѳ бэеэ гамнаха, заһаха, һайжаруулха, тиигээд ажаллаха, айл болохо хэрэгтэй (З. Гомбожабай).