ГАЙХАХА

үйлэ ү. 1) гэлыхэ, һонирхол харуулха, гайхалаа мэдүүлхэ (удивляться, дивиться, поражаться): Бишыханбгай наһан соогоо нэгэшье бэшэг абажа үзѳѳгүй аад лэ, ехээр гайхаа бэзэ даа (Ц.-Ж. Жимбиев); гайхаха тагнаха гайхалаа бараха, гайхажа садахагүй, ойлгожо ядаха (удивляться, поражаться): Таниһан нюур хараһандаа гайхан тагнан ябажа, Должон дары хойноһоонь гудамжада гараба (Ц. Дон); гайхаха гэлыхэ гайхалаа бараха, ойлгожо ядаха (удивляться, недоумевать): Санджи тэрэ хонинойнгоо хойноһоонь гайхан гэлын хаража байха зуураа дуугарна (Ц.-Ж. Жимбиев); гайхаха гэлмэхэ гэлыхэ, һонирхохо (удивляться, изумляться, дивиться): Хүн зон гансата абяагүй боложо, юун болобо гээшэб гэжэ гайхаһан гэлмэһэн нюдѳѳр бүгэдѳѳрѳѳ гулваагай зүг тээшэ харашана (Х. Намсараев); гайха тагна (ехэ)! гайха гэлы! ямар һонин юм! һанаад үзыт! (вот тебе и на! представьте себе! вот удивительно! кто бы мог подумать!): Гайха тагна ехэ, ямар жэгтэй унаа гээшэб! (М. Осодоев); гайхаад абаха абаһаар гайхаха, саг зуура гайхаха, гайхаадхиха (слегка удивиться): Тиигээд хэзээдэшье иимэ юумэндэ бэеэ зэһээгүй хүн ѳѳрыгѳѳ агшан зуура гайхаад абаба (А. Ангархаев); гайхааша болохо һонирхоошо болохо, гайхаһан хэбэр үзүүлхэ (выражать ложное удивление): Бүтэдмаа Базарсадаевна хуу мэдэжэ байһан аад, гайхааша болон асууба (Б. Мунгонов); 2) түбэгшѳѳхэ, аягүйрхэхэ (стесняться, совеститься): Баданай эхэ үбгэнһѳѳ ехээр айдаг, гайхадаг байһан юм (Б. Санжин, Б. Дандарон); ○ эшэхэ гэжэ үгэтэй парн. хэрэгл.