ГАГНАХА

үйлэ ү. 1) юумэ бэхилхын, заһабарилхын тулада хайлуулһан түмэр ба холисыень хэрэглэн, юумые бүхэ болгохо, заһаха, гагнуури хэхэ, гагналга хэхэ, түмэртэн бүлэгые гагнуураар холбохо, гагнуур табиха, юумэнэй забһар шабаха (паять, спаивать, припаивать, запаивать): Энэ мүнгэ урьһаар эрихэеэ гү, али хажуураа эбдээд, гагнажа үгыш гэхэеэ халажа ядана ха (Ч. Цыдендамбаев); 2) хоорондохи забһарыень хайлуулһан металлаар дүүргэжэ гү, али халаажа улайлгаһан түмэрнүүдые шангаар сохин ниилэлдүүлжэ холбохо, сварка хэхэ (сварить): металлическа, шатааһан шабар (керамическа), пластмассова детальнуудые гагнажа (гү, али сварка хэжэ) бүтээхэ (холбохо); 3) шэлж. шэрээдэһэлхэ, ямар нэгэн үнгэ оруулха, ямар нэгэн үнгэтэй болгохо (окрашивать): Ногообтор сэнхир тэнгэриин хаяае бүһэлһэн үдхэн зурагар үүлые орохо наран улабар алтаар гагнажа эхилнэ (Ч. Цыдендамбаев).