ГҮРЛѲѲ

1. юум. н. 1) гүрэһэн үһэн (коса): Нэгэтэ һамгантайгаа хэрэлдэхэдээ тэсээгүй, хоёр гүрлѳѳень гартаа мушхажа баряад, газараар шэрэжэ байгаад сохибо (М. Осодоев); гүрлѳѳ гэзэгэ (гү, али саажа) эхэнэр хүнэй гүрэмэл үһэн (коса): Тэрэнэй түхэреэн улаан нюурай хоёр тээгүүр туйбатай томо гүрлѳѳ гэзэгэнүүд һанжажа, энэ эхэнэрые томоотой янзатай болгоно (Ц. Шагжин); Сэмбэл Дүүхэйн толгойдо һэхэрэн һуугаад, хайрата инаг басаганайнгаа хоёр гүрлѳѳ саажые, хасарые эльбэсэгээжэ, үхибүүн мэтэ бархиршоо һэн (М. Осодоев); 2) тусхай маягаар һольболдуулан гүрэжэ холбоһон юумэн, баглаа (венок): Тиигээд жодоогой шэлбэһэ хухалжа, гүрлѳѳ хээд, сэсэг түүбэд (Г.-Д. Дамбаев); Тэдэнэр гүрлѳѳ болон сэсэгүүдээ бодхооһон хүшѳѳгэйнгѳѳ урда түшүүлэн табяад, алдалан унаhан сэрэгшэдтэ hүгэдэн ёhолжо, …, тэндэhээ гурбан модо болохо зайда байhан харгы тээшэ алхалшабад (Г.-Д. Дамбаев); сонедүүдэй гүрлѳѳ шүл. арбан дүрбэн мүрнүүдһээ бүридэһэн арбан дүрбэн бадагуудтай шүлэг, бадаг бүхэниинь урдахи бадагайнгаа мүрѳѳр эхилдэг, арбан табадахи бадагынь урдахи бадагуудайнгаа эхин мүрһѳѳ бүридэдэг (венок сонетов); 2. гүрэмэл, гүрэһэн (плетёный, заплетённый): Бүдүүн хоолойдохи томо гүрлѳѳ һудаһаниинь тон элихэнээр сохилно (В. Гармаев); табан гүрлѳѳ хилгааһан уламтай буряад эмээл; гүрлѳѳ үһэн эхэнэр хүнэй гүрэмэл үһэн (коса): Үбгэжѳѳл аша басаганайнгаа толгой багта һуунхай, тэрэнэйнгээ бүдүүн гүрлѳѳ үһыень һалганаһан гараараа эльбэнэ (В. Гармаев); Урдань басагад найман гүрлѳѳ үһэтэй ябадаг һэн.