ГҮРѲѲҺЭ(Н)

(Н) 1. юум. н. 1) боро гүрѳѳһэн, оротон бүлэгэй багахан амитан (косуля): Хүбүүнэй буугаа татажа, байрадаа зохёод, хүсэд маряажа үрдеэгүй байтар, гурбан гүрѳѳһэн гэнтэ хүнды уруудан гүйлдэшэбэд (С. Доржиев); боро гүрѳѳһэн оротон бүлэгэй багахан амитан (косуля): Тэрээн дотор хоргодожо байдаг буга, хандагай, шэлүүһэн, үнэгэн, хэрмэн, шандаган, боро гүрѳѳһэн, гахай, хабарга гэхэ мэтэ зүйл бүриин үнэтэ ангууд олон байдаг (Х. Намсараев); боди гүрѳѳһэн а) гүрѳѳһэтэн аймагай хурдан амитан (лань); б) будд. дасан дугангуудай үүдэн дээрэ тодхогдодог дундаа сансарын эрьюулгэтэй хэбтэһэн хоёр гүрѳѳһэнэй дүрсэ, домогой ёһоор гүрѳѳһэд Будда бурханай номнолые анха түрүүн шагнагшад гэжэ тоологдодог (статуи ланей, символизирующие учение Будды); хара гүрѳѳһэн баабгай, баахалдай (медведь): Хара гүрѳѳһэнэй харатай мэхэтэй гээшэнь тэнсэлгүй – зорюута нэгэ тээшээ даб гээд, нүгѳѳ тээшээ һуга һүрэнэ (С. Доржиев); эреэн гүрѳѳһэн шара нооһотой арһан дээгүүрээ хүндэлэн хара һудалнуудтай миисгэйтэн бүлэгэй томо амитан (тигр): Намдашни морид бэшэ, харин эреэн гүрѳѳһэд, дуулана гүш, галзуу эреэн гүрѳѳһэд лэ байха (Ч. Цыдендамбаев); ○ ан гэжэ үгэтэй парн. хэрэгл.; 2. элирх. үүргээр хэрэгл. гүрѳѳһэнэй арһаар хэһэн, оёһон (косулий): Чэмэд гүрѳѳһэн дэгэл дороһоо һэмээхэн һугаржа, гуталаа углаад, нохойнгоо хажууда ошобо (Д.-Д. Дугаров).