ГҮНЗЭГЫГѲѲР

наречи 1) ехээр, һайнаар, үндэһѳѳрнь (глубоко, основательно): Гүнзэгыгѳѳр малтаһанай хэрэггүй, хахад алда хүрэхэл байха (М. Осодоев); Байдалаа Затагарханһаа гүнзэгыгѳѳр мэдэжэ байһан Тобшой баясана (Ч. Цыдендамбаев); 2) саагуураа удхатайгаар, үнэншэмѳѳр (выразительно): Манай хүнүүдэй ажабайдалай болон гэр бүлынь харилсаае үнэншэмэ һайханаар, энэ зэргэ гүнзэгыгѳѳр харуулһан пьесэ манай театрын сценэ дээрэ үнихэнэй харуулагдаагүй юм (Ч. Цыдендамбаев); 3) хүндѳѳр, сээжынгээ оёорһоо, дороһоо, саанаһаа (тяжело, глубоко): Уданшьегүй модон сооһоо эсэһэн мэгдэһэндээ хүлһэ һалһан болоһон залуухан басаган хүндѳѳр, гүнзэгыгѳѳр амилан гаража ерэнэ (Ц. Шагжин); гүнзэгыгѳѳр һанаа алдаха сээжынгээ оёорһоо, дороһоо абажа һанаа алдаха (тяжело вздыхать): Теэд заяанай дуугай басаган гүнзэгыгѳѳр һанаа алдахаһаа бэшэ юумэ хэлэдэггүй һэн (Д. Батожабай).