ГҮЛЬМЭ

юум. н. 1) загаһа барихада хэрэглэгдэдэг, утаһа бэе бэетэйнь зангидан холбожо бүтээһэн хэрэгсэл, шүүр (рыболовная сеть): Нуурһаа уһа удхахадаа, замагай дунда гүльмын байхые харажархеод, үсэгэлдэрэйнгѳѳ модоор догоодон татажа, эрье дээрэ гаргабаб (Д. Доржиева); гүльмэ губшуур ооһор холбон зангидажа бүтээһэн загаһа баридаг хэрэгсэлнүүд (рыболовные сети): Эндэ загаһашад гүльмэ гүбшуур табижа, онгосоор иишэ тиишээ шумууһан түргѳѳр ябанад (Х. Намсараев); гүльмэдэ оруулха а) загаһа гүльмѳѳр бариха, губшуурдаха (ловить сетью): Гүльмэдэ ороһон загаһандал хитагашан, зүрхэмни шарбалзашаба (Ц.-Д. Хамаев); б) шэлж. мэхэ гохын аргаар бариха, албадаха (заманить в сети); в) шэлж. бэе тээшээ татаха (завоевать сердце): Урихан зүрхыем гүльмэдэ оруулаад басаган табинагүй (Ц.-Ж. Жимбиев); 2) боох., түнх. дүрѳѳбшэ (чепрак): Тэбхэр ногоон дүрѳѳбшынь / Гүльмэ гэжэ хэлсэхэдэнь, / Тэндэ таниха болоо һэм (Х. Намсараев).