ГҮЙСЭДХЭХЭ

үйлэ ү. 1) дүүргэхэ, хүсэд болгохо, хүсѳѳхэ, бэелүүлхэ (исполнять, выполнять, осуществлять, завершать): Мүнѳѳ табан жэлэй түсэбые гүйсэдхэхэ хэрэгтэ ажалшан бүхэн гэнэгүй сэхээр, гэрэлтэмэ ехэ зоригоор ороод байна (Х. Намсараев); 2) наадаха, дуулаха (исполнять, играть, петь): Арбаад жэлэй саана гүйсэдхэһэн олонхи дуунуудыень залуушуул мүнѳѳшье хангюурдажа, арадай дуунай мүнхэ һайхан наһатайе харуулжа байна бшуу (М. Осодоев); хатар гүйсэдхэхэ хатарха, хатар харуулха (исполнять танец): Хэдэн басагад сагаахан халаадуудые үмдэжэ, һаалишанай ажал харуулһан хатар гүйсэдхэбэ (Ц,-Ж. Жимбиев); роль гүйсэдхэхэ роль наадаха (исполнять роль): «Энэрил хайра» гэжэ зүжэгтэ Аламжиин Буладай роль Зоригто Ринчинов гүйсэдхэбэ (Н. Бальжинимаева).