ѲѲРЫН(ГѲѲ)

рын(гѳѳ) тэмд. н. бэеынгээ, бэедээ хабаатай, ѳѳртѳѳ хамаатай (свой, собственный): Би ѳѳрынгѳѳ харгытайб, ши ѳѳрынгѳѳ (Э. Зандраев); Ѳѳрын дайда халуун, хариин дайда хүйтэн (Оньһ. ү.); ѳѳрын хүн дүтын, дотор һанаха хүн; түрэл (свой человек; родственник); ѳѳрын хүн шэнгеэр дүтын хүн шэнгеэр (как свой человек, по-свойски): Түрүүлэгшэдэ Базар ѳѳрын хүн шэнги һанагдаха байба; ѳѳрын дураар һайн дураараа, буруушаангүй, зүбшѳѳжэ (по собственному желанию): Тимур Балданович Очиров мобилизациин эхилһэн түрүүшын үдэрһѳѳ сэрэгэй тусхай операцида ѳѳрын дураар ошохо тухай тэрэ мэдүүлһэн байна (infpol.ru); ѳѳрын зоргоор хара зоргондоо (самочинно): Ородой Холбооной Уласай Дээдын шүүхэ Буряадтахи ѳѳрын зоргоор табиһан гэрнүүд тухай хуулиие хүсэндэнь үлѳѳбэ (vtinform.com); ѳѳрынгѳѳ нюдѳѳр нюдѳѳрѳѳ, бэеэрээ хаража (воочию): Олон жэлнүүд соо ѳѳрынгѳѳ нюдѳѳр, бэе дээрээ үзэһэн юумэн гээшэмнай хүниие хүсэд лэ ухаатай, һургуулитай болгоно гэжэ бодогшоб (Ц. Шагжин); ѳѳрын нюураар бэеэрээ, ѳѳрѳѳ нюураараа (самолично): ѳѳрын нюураар хуралда оролсохо; ѳѳрынгѳѳ шадал соо аһан шадалаараа, аһан хабаараа, шадахысаа (по мере своих возможностей): Манайхин мэтэ үгытэйшүүл мүн лэ ѳѳрынгѳѳ шадал соо, ѳѳһэдынгѳѳ үхибүүдэй хоолойһоо гамнажа, юу хээ суглуулдаг һэн (Ц. Шагжин); ѳѳрынгѳѳ зүгһѳѳ ѳѳрѳѳ, ѳѳрѳѳ мэдээд, ѳѳрһѳѳн (от себя лично): Энэ хүсэлэйтнай түлѳѳ нагасынгаа, мүн ѳѳрынгѳѳ зүгһѳѳ баясхалан хүргэнэб (Ч. Цыдендабаев); ѳѳрын хэһэн гар хэлгын, гараараа бүтээһэн (самодельный): – Михаил Степанович, та хүлисэгты, ѳѳрын хэһэн ажал эзэндээ хүндэтэй (Ж. Тумунов); ѳѳрын эрхэгүй эзэлүүдгүй, зүнгѳѳрѳѳ, ѳѳрѳѳ мэдэнгүй (непроизвольно, невольно): Хүдэлжэ, һүүжээ урилха гэхэдэнь, сээжэ соонь айхабтар ехээр үбдэжэ, ѳѳрын эрхэгүй гэншэн ёоложо, тэсэжэ ядан, шүдѳѳ зуужа хэбтэнэ (Ч. Цыдендамбаев); ѳѳрын гэрһээ ѳѳрэгүй гэртээ байһан шэнги (как у себя дома); ѳѳрынгѳѳ хара ами хараха гансал ѳѳр тухайгаа бодохо, бэеэ амяарлаха, хара амяа хараха (заботиться только о себе, быть эгоистом): Ѳѳрынгѳѳ хара ами хараад ябадаггүй, хододоол хүндэ һанаашархажа, хүнэй түлѳѳ оролдожо ябадаг хүн ха юм! (Ц. Шагжин); ѳѳрын тариһан тамхин ѳѳрѳѳ ургуулһан тамхин (самосад – о табаке); ѳѳрын намтар хүнэй ажамидаралга тухайгаа бэшэжэ харуулга (автобиография); ѳѳрын (эрхэтэ) захиргаан ямар нэгэн хэрэгые ѳѳһэдѳѳ шиидхэхэ гү, али дүүргэхэ эрхэтэй захиргаан (самоуправление); ѳѳрын үнэ сэн экон. үйлэдбэрилхэдѳѳ гү, али худалдан абахадаа гаргашалагдаһан мүнгэнэй хэмжээ, үнэ сэн (себестоимость): Энэ самсын ѳѳрынь үнэ сэн 2000 түхэригтэ; ◊ ѳѳрынгѳѳ аршамаар хэмжэхэ ондоо хүниие ѳѳр шэнги байха һэн гэжэ һанаха, ѳѳртэйгѳѳ жэшэхэ (≈ мерить на свой аршин): Гомбо, ши ѳѳрѳѳ тиимэ һаа, хүн бүхэн булта намдал адли гэжэ һанана гүш? Яахадаа хүн бүхэниие ѳѳрынгѳѳ аршамаар хэмжэнэш? (Ч. Цыдендамбаев).