ѲѲРЫГѲѲ

рыгѳѳ түл. ү. бэеэ (себя): Ѳѳрыгѳѳ һайхашаан хаража байһан Алексей Доржын орохые обёорхоһоо байха, огторгойн бүхы нангин бурхадые мартажархёод, гансал ѳѳртѳѳ шүтэшоод байһан байба (Ч. Цыдендамбаев); Ѳѳрыгѳѳ болоходонь, үндэгѳѳ дараһан шубуун шэнги, хүниие болоходонь, хүрин эреэн бүргэд шэнги (Оньһ. ү.); ѳѳрыгѳѳ магтаха бэеэ магтаха, һайн талануудаа тобойлгохо (хвалиться): Иигэжэ толгой соохоноо аха шадалаараа ѳѳрыгѳѳ магтан, тэрээндээ урмашана (Д. Эрдынеев); ѳѳрыгѳѳ зэмэлхэ бэеэ гэмтэй гэжэ тоолохо, бэеэ харааха (винить себя): Новиковтой болоһон ушарые тиихэдэ гү, али мүнѳѳдэршье Дэжэдтээ хѳѳрэжэ үгѳѳгүйдѳѳ ѳѳрыгѳѳ зэмэлбэ (А. Ангархаев); ѳѳрыгѳѳ сагааруулха гэм зэмээ аршалха (оправдывать себя): Гэбэшье ноёдой ехээр мүрдэхэ мүшхэхэ болоо һаань, Бальжинима ѳѳрыгѳѳ үнэхѳѳрѳѳ сагааруулха нэгэ үгэтэй байгаа һэн (Б. Мунгонов); ѳѳрыгѳѳ мэдүүлхэ бэеэ эндэ байнаб гэжэ харуулха, бэеэ элирүүлхэ (давать о себе знать): Тиигэбэшье һэмээхэн харад гэжэ бай, ѳѳрыгѳѳ мэдүүлэнгүй (Б. Мунгонов); ѳѳрыгѳѳ доро үзэлгэ бэеэ доогуур абхуулга (самоуничижение); ѳѳрыгѳѳ хангалга бэедээ хэрэгтэй юумэ ололго (самообеспечение); ѳѳрыгѳѳ шүүмжэлэл(гэ) бэедээ шүүмжэлэн хандалга, алдуу дутуунуудаа элирүүлгэ (самокритика): Тиимэһээ Рабжаев шүүмжэлэл ба ѳѳрыгѳѳ шүүмжэлэл гээшые дан һэе орогүй хаяжархёогүй хүн байһан туладаа нэгэ хэды шэнээн дуугай һуужа, гүнзэгыгѳѳр бодожо үзэһэнэй һүүлдэ Доржиевта хэлэбэ (Б. Мунгонов); ѳѳрыгѳѳ шэнжэлэлгэ сэдьхэлээ шэнжэлэлгэ (самоанализ).