ѲѲРТѲѲ

ртѳѳ түл. ү. бэе тээшээ, бэедээ (себе, для себя, самому себе): Лама юухэ юугүй мүнѳѳхи зѳѳриеэ булаһан шорой дээрээ ѳѳртѳѳ шэрдэг дэбдеэд, уряалгүй айлшанаа модон орон дээрэ унта гэбэ (Б. Санжин, Б. Дандарон); ѳѳртѳѳ найданги бэедээ ехэ найданги, түбһэн юумэ тоохогүй янзатай ябадаг, бэедээ найдадаг (самонадеянный): Ксения тэрэнэй нэтэрүү, ѳѳртѳѳ найданги үгэнүүдһээ болон шэртэһэн харасаһаань аягүй байдалда оробо (А. Тенчой); ѳѳртѳѳ дуугарха аман соогоо дуугарха, бэедээ хандан дуугарха (говорить про себя): Теэд үбгэжѳѳл Цырендоржые һанаха юумэгүй, «юрэдѳѳ юун болоо һайн юумэ гээшэб» гэжэ ѳѳртѳѳ дуугаржа ябаад, модо шулуу мүргэн алдаба (К. Цыденов); ѳѳртѳѳ гомдохо бэедээ гомдохо, бэеэ зэмэлхэ (пенять на себя): Дугар таатай зохид юумэ толгойдоо оруулжа ядахадаа, ѳѳртѳѳ гомдоно (Б. Шойдоков); ѳѳртѳѳ тангариглаха бэедээ тангариг үгэхэ, хатуу шанга үгэ хэлэхэ (поклясться самому себе): Хамаг түрэлхидэйнгѳѳ улаан шуһаяа урадхуулһан тэрэ хараалта муухай дайда руу хэзээдэшъе бусахагүйб гэжэ ѳѳртѳѳ тангариглаа һэм (Б. Мунгонов); ѳѳртѳѳ асуудал табиха бэедээ асуудал табиха, ѳѳрһѳѳ асууха (спрашивать себя): Тиимэһээ энээхэн наһан соогоо олоной дунда нэрэ хүндэтэй ябажа шадаа гүб гэжэ ѳѳртѳѳ асуудал табибашье, Дугар харюусажа шадабагүй (Б. Шойдоков); ѳѳрѳѳ ѳѳртѳѳ бэедээ (сам себе, самому себе): Харин манай үеын басагадай зангай хубилһан ушарһаа Татьяна Алексеевна ѳѳрѳѳ ѳѳртѳѳ хадам олоһон байжа болохо (Ч. Цыдендамбаев).