ЕЛЭГЭР

тэмд. н. гэлигэр, жэгдэ, тэгшэ, толотомо, ялалзама (гладкий и блестящий): Далай дээрэ нэгэшье долгигүй, шэл шэнги елэгэр, үнѳѳхи һалхи хуймнай хайшаа үгы болошооб гэжэ гайхамаар байдаг юм (Б. Мунгонов); елэгэр мүльһэн халтирхай, мэлигэр мүльһэн (гладкий, скользкий лёд): Тэрэ булагай ойро ерээд, елэгэр мүльһэндэнь халтиран унашахадаа, үхѳѳшье һаа хамаагүй гэжэ сэдьхэхэдэл гээ һэн (Ц.-Ж. Жимбиев); елэгэр саарһан ялалзаһан саарһан (лощёная бумага): Һанаа алдаад, һараяа харанаб, / Һарашье маһараад, намайе шэртэнэ. / Ерэһэн бодолыем хүсэжэ ядан, / Елэгэр саарһан дээр гуурһам гүйнэ (Д. Улзытуев).