ЕХЭНХИ

тэмд. н. олонхи, диилэнхы ехэ – алибаа юумэнэй хуби тухай (бóльший, значительный – о части чего-л.): Урилдаанай ехэнхи морид хүлеэһэн зон тээшэ бэшэ, харин саашаа, ара тээшээ гүйлдэшэһэндэл холодон гээгдэшэнэ (Ч. Цыдендамбаев); ехэнхи хуби диилэнхы хуби (бóльшая часть): Классай ехэнхи хубинь, арбаад һайса гаран гарнууд һубарилдаһаар дээшээ ёдойлдобо (К. Цыденов); ехэнхи ушарта олонхидоо, олонхи ушарта (в большинстве случаев): – Минин ойлгоошоор, бидэ ехэнхи ушарта бусаха, харин бэдэрхээ гараашад ехэнхи ушарта тэхэрихэгүй тээшээ болоно гү даа? (С. Доржиев); ехэнхи зам замай диилэнхы хуби (бóльшая часть пути): Шууд түргѳѳр ябажа, богонихон саг соо ехэнхи замаа гаталһан Цэрэн зүүн шэлэдэ аһажа ябахадаа хэды дахин оогложо туршаба (Д.-Д. Дугаров); хахадһаа ехэнхи хахадһаа үлүү (составляющий более половины): Гэрэйнгээ хашаагай хахадһаань ехэнхи газарта сарай барижа, тэрээн соогоо, хаанаһаашьеб даа модон хабтагайнуудые асаржа ябталба (Ц. Шагжин).