ДУУРАХА

үйлэ ү. һажаха, нойртоо диилдэхэ (дремать, клевать носом): Тиигээд һэрюуншье бэшэ, нойрсоһоншье бэшэ хоёрой хоорондо дууран хэбтэтэрээ, зѳѳлэн бүхэдэ диилдэшэбэ (Ц.-Ж. Жимбиев); дууран һажаха үлэ мэдэг нойртоо абтаха (дремать): Үдын нара шатаашаһан лүнхэгэр ехэ тэнгэри доро дууран һажагша байгаалиие сошоожорхиһон энэ ооголоонһоо басаган сошожо, унашан алдаба (С. Цырендоржиев); бороогой шааяанда дуураха хура бороо һаршаганахые шагнаһаар һажаха (дремать под шум дождя): Аадар бороогой шааяанда дуура дуураһаар Бальжинима тархяа ганхуулан һажаад абана (Б. Мунгонов).