ДУУҺАХА

үйлэ ү. 1) дүүрэхэ, түгэсэхэ, барагдаха (кончаться, исчерпываться, иссякать): Тииһээр ябатарынь хасуурита ой гансата дууһажа, баруун хажууһаа томо томо бургааһа һѳѳгүүдээр халхалагдаһан сабшалангай газар харагдаба (Б. Мунгонов); дүрэжэ дууһаха дүрэжэ дүүрэхэ (догорать): Наранай гараха үеэр дүүрэхэ юумэн хуу дүүрэһэн, түрүүлэгшын гэр дүрэжэ дууһаһан байба (Б. Мунгонов); үхэжэ дууһаха үхэжэ үгы болохо, һалаха (вымирать): Эдэ хара нохойнуудай, намарай сагаан хюруулаар батаганын үхэжэ дууһаһан шэнгеэр, үхэжэ үгы болохо сагынь хэзээ гээшэб? (Х. Намсараев); 2) дүүргэхэ, гүйсэдхэхэ, хэхэ, бүтээхэ (доделывать, заканчивать, завершать): Мүнѳѳ үбгэн аба аша хүбүүгээ дахуулан, тэрэ хэжэ эхилһэн юумэеэ дууһаха хүсэлтэй ерэбэ (Ц.-Ж. Жимбиев); Цоли, һүниндѳѳ һуужа, хүбүүнэйнгээ шэнэ дэгэлыень дууһажа, мүнгэн тобшонуудые хадаба (Ч. Цыдендамбаев); болзорһоо урид дууһаха сагһаа урид дүүргэхэ (досрочно заканчивать): Болзортой түсэбтэй юм аад, һанаанда зоболонтой юм һэн, харин болзорһоонь урид дууһаабди (Ц. Дон); 3) һэбхи задагайгаар үрихэ, хаяха (растрачивать, транжирить): Иигэ иигэһээр бэеынгээ элүүрые хара тамхяар галдажа, байһан зѳѳриеэ дууһаад, тэрэ эзэн үбгэниинь наһа бараа һэн (Д. Батожабай); 4) хороохо, һалгаха, хюдаха, усадхаха (истреблять, ликвидировать): Нэрэ һанажа, малаа дууһанхаар, малаа һанажа, нэгэ удаа нэрээшье хухаруужамди гэһыем ойлгоо һэн гү, үгы гү, дуугайхан байгаа һэн, – гэбэ (Д.-Д. Дугаров).