ДУРСАХА

үйлэ ү. 1) һанаха, һанаанда оруулха, дурдаха (вспоминать, перебирать в памяти): Гол түлэб үнгэрэн ошоһон үхибүүн наһаяа дурсан, уяран һуунабди (С. Цырендоржиев); Харыш: бэлшэжэ ябаһан һүрэг хонидш шамаяа дурсан мааралданал! (Ц.-Д. Хамаев); дурсан hанаха (гү, али дурдаха), hанан дурсаха hанаанда оруулха (вспоминать): Сэрэнцүү абгай амандаа зууһан тамхияа татахаяашье мартажархиһан юумэ тэрэ холынгоо сагые дурсан дурдан байна (Ц.-Ж. Жимбиев); Би мүнѳѳ сонхоороо үргэлжэ сагаан тала уруу шэртэн, элдэб юумэ дурсан һанажа, сэдьхэлээ хүдэлгэн һуухадаа, ходо нэгэ юумэн тухай бодоном (Ц.-Д. Хамаев); Магадгүй тэдэшье энээн тухай, бусахаяа болиһон холын үдэрнүүд тухай энэ үедэ һанан дурсажа ябаа аалам (А. Жамбалдоржиев); 2) нэрээрнь нэрлэн тоолохо, дуудаха (поимённо перечислять): байлдаанда унаһан нүхэдѳѳ бултынь дурсаха.