ДУРЛАХА

үйлэ ү. 1) инаглаха, инагай мэдэрэлдэ абтаха (влюбляться, проникаться любовью): Балдан Нимаевич залуудаа Сэндэмэдэ үнэнхэ зүрхэнһѳѳ дурлаһан, теэд нютаг нугадаа шэлэмэл сэбэрхэн басаган дохолон Балданиие хаанаһаа тоохо һэм даа (С. Цырендоржиев); ◊ дурлаhан мэлхэй далайе hэтэ тамардаг дуратай һаа, юушье хэжэ шадаха (влюблённая черепаха море переплывает – о силе любви, желания): Дурлаhан мэлхэй далайе hэтэ тамардаг гэдэгтэл, шуран hүбэлгэн басаганай ажалhаа арамшангүй hуража, гүрэнэй шалгалта бариhан тухайнь халта дурдая (Буряад Yнэнһѳѳ); дурлаhан хүнэй нюдэн hохор (Оньһ. ү.) дуратай хүн нүгѳѳдынгѳѳ дутагдалыень харахагүй (≈ любовь слепа): Дурлаhан хүнэй нюдэн hохор юм. Дутуу дундатай хэн байгаашье hаа, заhарна ааб даа! (Д. Батожабай); 2) дашуурха, абьяастай болохо, ехээр hонирхохо (увлечься чем-л., почувствовать очарование чего-л.): Теэд тэдэнэр шэрүүн уларилые хэзээдэшье тэсэжэ гарадаг, энэ шэрүүн дайдадаа хизааргүй дурладаг (Д.-Д. Дугаров); Гончаров үдэшын энэ аажам байдалда дурлан, землянкын онгоошходо һууна (Ж. Тумунов); техникэдэ дурлаха техникээр ехээр hонирхохо (увлекаться техникой): Мүнѳѳ үеын залуу хүн хадаа техникэдэ дурлаба гээшэ аабзаш даа (Б. Мунгонов); ажалдаа дурлаха ажалдаа шунахайржа орохо (влюбиться в работу, увлекаться работой): Хэжэ байһан ажалдаа хэмгүйгѳѳр дурлаһан хүнэй маяг шэнжэ хүдэлсэ бүхэндэнь мэдэрэгдэнэ (Ц.-Д. Хамаев); 3) хүсэхэ, һанаха (хотеть, желать): Тэрэ ѳѳрѳѳ дурлаа.