ДУРАСХААЛТА(Й)

(Й) ямар нэгэн һайн һайханаар сэдьхэгдэхэ юумэ һануулһан, сэдьхэлдэ хадуугдама (памятный): Тэрэ холын дурасхаалта сагуудые һануулан, гуламтынь энгэртэ ургаһан сагаахан сэсэг гансаардангяар, аалиханаар үлэ мэдэг гунхана (Ц.-Д. Хамаев); Танида үнэтэй һанагдахашье, мээхэйрэгдэн һайшаагдахашье эдэ бүхы юумэнүүдэй дунда нэгэ тон үнэтэй, тоншье дурасхаалтай зүйл бии (Ч. Цыдендамбаев); дурасхаалта фото наhанай ямар нэгэн hайхан үе сагые hануулдаг фотозураг (фотография на память, памятное фото): – Нээрээшье, фотоёо сохюулая… һуралсалаймнай юрын үдэр, һургуулидаа ябадаг юрын лэ хубсаһаараа… үшѳѳ, үшѳѳ мүнѳѳдэрэймнай суглаан… Нээрээшье, дурасхаалта фото болохо һэнха (С. Цырендоржиев); дурасхаалта бэлэг һануулгата бэлэг, ном, бага зэргын элдэб эд г.м. (памятный подарок); дурасхаалта газар олон жэлэй тэндэ байhан гү, али ябаhан сэдьхэлдэ ойро hанагдадаг газарууд (памятные места): Битнай дурасхаалта газараараа ябаха хүсэлѳѳ бэелүүлжэ, хүбүүгээ дахуулжа ерэбэб, – гэжэ хэлээд, дабхаряа олон шэлэнүүдые хаймадан хараба (Д.-Д. Дугаров); дурасхаалта бэшэг дип. али нэгэн юумэн тухай һануулһан элшэн сайдай албанай бэшэг (памятная записка).