ДУРАМ

, дуран юум. н. 1) хоёр нюдѳѳрѳѳ харахаар түхеэрһэн холые дүтэ болгожо харуулдаг гал шэлтэй гарай оньһон (бинокль): – Дурамаа үгэлши, – гээд, Чимитдоржиев тэрээнhээ дурамаа абажа, мүрэнэй баруун тээхи харгы тээшэ дурамдашаба (Г.-Д. Дамбаев); далайн дурам далайн сэрэгшэдэй баридаг дурам (морской бинокль); 2) бууда тохогдодог, онсо нарин мэргэлхын тулада хэрэглэгдэдэг гал шэлтэй хараа (оптический прицел): Табашье, арбашье һүрэдэг дуутай суутай яла сала буунуудтай, зариманиинь дээрээ шальбагар томо шэлтэй дурамтай, тэрэнь үшѳѳ һүниин харанхы сооро харадаг оньһотой (С. Доржиев).