ДУНДАДА

тэмд. н. хоорондын, дундахи (средний): Урдань тэнгэри далай хоёр ниилэнхэй, дундада газарайнь бии юм һаань, тамын оёор гээшэнь тэндэ ха (С. Доржиев); Дундада улас Хитад орон (Китай); дундада зуун жэлнүүд, дундада зуунай үе түүх. манай ээрын (тоололой) дугаар зуун жэлһээ эхилээд XVII дугаар зуун жэлнүүд хүрэтэрхи үе (средневековье): Энээниие ойндоо оруулхадань, нюдэнэйнь урда Рим, Ватикан болон эртэ урда сагай, дундада зуун жэлэй һүртэ памятнигууд харагдахадал гэнэ (Б. Санжин, Дандарон); Дундада далай Европо, Африка болон Түб Ази гурбанай хоорондохи уһан далай (Средиземное море): Географическа талаарнь харахада, Дундада далайн урда захаар, Африкын хойто захаар гараһан шугам дээрэ Түбэд орон байдаг юм, теэд иимэ халуун наран, хүйтэн һүүдэр, часай дала-наян модо хурдантай һалхин, элһэ бордоһон хаанаһаа болоно гээшэб (Д. Батожабай).