ДОРОЙТУУЛХА

үйлэ ү., идх. залог 1) доро оруулха, дорой, болгохо, муу болгохо (ухудшать): Иимэ зон хүдэлмэри дээшэнь болгохо бэшэ, харин улам доройтуулха, бүри албан хойрог шэнжэтэй болгохо байна (С. Цырендоржиев); Ямаршье гэм зэмэгүй аад, гэнтэ мүшхэбэридэ ороһон ябадалынь Доржын сэдьхэлэй хүндэ байдалые улам доройтуулна (Ч. Цыдендамбаев); нэрэ хүндэеэ доройтуулха нэрээ хухалха, нэрээ бузарлаха (компроментировать себя, позорить своё имя): Зугаахин туршаад үзыш, алта мүнгэеэ алдаха бэшэш, нэрэ хүндэеэ доройтуулха бэшэш (С. Цырендоржиев); нэрэ түрэ доройтуулха хүнэй нэрэ бузарлуулха (компроментировать кого-л.): Зайһанай нэрэ түрые үшѳѳ удаан доройтуулха гүш, али эмхи гурим байгуулха гүш? (Ч. Цыдендамбаев); 2) баһаха, доромжолхо, дарлаха (унижать, оскорблять): Баһал тэрэ гушан долоон онойхидоол ѳѳрыень доройтуулан, шорой богто худхан аашалха гэбэ гээшэ гү гэжэ Цыбиков элдэб олон юумэ толгой соогуураа урилдуулна (Б. Шойдоков).