ДОРЬБОДОХО

, дорбидохо үйлэ ү. 1) сууряатаха, дуулдаха, соностохо (слышаться – об эхе, гуле): Доодо дабхарай таһаг соо / «Долоон шүдхэр» байрлаа / Доһолно, дорьбодоно / Дорюун хатар һайбарлаа (Д. Улзытуев); 2) дорьбохо, һалганан, шэшэргэнэн хүдэлхэ (вибрировать): Домско собор / Шулуун һүмэ / Дорьбодоно энэ һүни. / Зуун зургаан / Аялгын гургаан / Ехэ орган (Д. Улзытуев); …нэгэ томо хара баабгай хатангир модоной дэргэдэ һуугаад, зүүн урда хүлөөрөө модоной нимгэн дальбархайе татад гээд лэ табихадань, тэрэнь дорбидожо, һонирхолтой элдэб абяа үгэжэ байба (А. Шадаев).