ДООШОЛХО

үйлэ ү. 1) доошоо ябаха, бууха, уруудаха, уруудам руу ябаха (идти вниз, ехать вниз, спускаться, опускаться): Сэрэнцүү мориёо хүтэлэнхэй, голой эрьеэр доошолхо зуураа, гэнтэ тэдэнэйнгээ мүргэлдэшэхэдэнь, оог хуугай табихаһаа бэшэ юушье хэжэ үрдибэгүй (Ц.-Ж. Жимбиев); һѳѳлжүүгээр доошолхо сэхэ доошо бэшэ, ташуу шугамаар уруудаха (спускаться по диагонали, наискось): Уданшьегүй дабаанай гол нюрганһаа һалажа, һѳѳлжүүгээр доошолһон хярада тэрэ хүрэбэ (С. Доржиев); 2) шанараар муу болохо, шанар муутай болохо (терять качество, ухудшаться): Һүүлэй һүүлдэ тэрээхэн классай журамынь нилээн доошолһон байха (К. Цыденов); 3) бага болохо, үсѳѳн болохо, багаар (үсѳѳнѳѳр) үйлэдбэрилэгдэхэ г.м. (сокращаться): Харин жэл ерэхэ бүри энэ дайдымнай ургаса бүхэн улам доошолон, эдеэ хоол багатай болоно (Ц.-Ж. Жимбиев).