ДООХОНУУР

1. наречи 1) нэгэ бага доогуур (пониже): Нээрээшье, агаарай шиигтэй болоходо, нимгэхэн далитай аляаһа батагана доохонуур ниидэнэ ха юм (Д. Батожабай); Сэмбэл баруун гарайнгаа бархагар томо нюдарга хамартань тулган занаад, үбсүүнэйнь доохонуур ёборжорхибо (М. Осодоев); 2) аалиханаар, дуугайханаар, нюуса далдаар, һэмээхэн (потихоньку, украдкой): Балма Доржиевна газетэһээ тархяа үргэжэ, доохонуур, һэмээхэн, хэды соо Намжалые адаглан шэртэбэ (К. Цыденов); Шинии түрэлэй һабагшатай бологшо гү, тэрэ Балмаһаа доохонуур хэдэн шэл коньяк абахамни (Г. Дашабылов); доохонуур хэхэ олондо мэдүүлэнгүй, нюуса далдаар ямар нэгэн юумэ хэхэ, бүтээхэ (делать что-л. втайне); доохонуур мэдэхэ далдаар юумэ мэдэжэ абаха, һурагынь дуулаха (узнавать тайком): Хархандайн түрилтые доохонуур мэдэһэн үнеэшэд һамгад бүри зореон дари дээрэ дабһалжа, энэ, тэрэ нютагай азатай, талаантай ангуушад тухай һанаанһаа абажа байжа хѳѳрэлдэдэг болошоһон янзатай (Б. Мунгонов); доохонуур дуруубшаар нюуса далдаар, һэмээхэнээр, олондо мэдүүлэнгүйгѳѳр (украдкой); доохонуур хорлохо доогуур хоро хэхэ, һаад, тойбо татаха (вредить исподтишка); 2. дах. ү. ямар нэгэн юумэнэй доодо талаар (под чем-л., кем-л.): …хүхэрэгшэ тэнгэриин доохонуур, хүрьһэтэ дэлхэйн дээхэнүүр гүйжэ ябаһан, томонууд түхэреэн толботой эмниг боро баригдаба (Ц.-Ж. Жимбиев).