ДЭЭҺЭ(Н) I

н) 1. юум. н. хилгааһан томоһон уяа, аргамжа (волосяная верёвка): Шаралдай, гүйжэ ошоод, тугал уядаг дээһэ абаад ерэ, гэбэ (Ц.-Д. Хамаев); Могойдо хадхуулаад, дээһэнһээ үргэжэ ябаха; Дээһэн наряараа таһардаг (Оньһ. ү.); дээһэн ооһор (гү, али аргамжа) хилгааһан томоһон уяа (волосяная верёвка): Туургануудые дээдэ шэгшэгтэнь хадагдаһан дээһэн ооһорнуудаар ханада болон уняада уядаг юм; Хомууд тоногой һарабша дороһоо дээһэн аргамжа абаад, балгааһан ѳѳдэ абиржа гараба (М. Осодоев); дээһэ татаха а) хоёр баганын г.м. юумэнэй хоорондо дээһэ үлгэхэ, зэлэ татаха (протянуть волосяную верёвку для хозяйственных целей); б) орохонь хорюултатай гэһэн тэмдэг болгон дээһэ үүдэнэй урда татаха, табиха (протянуть волосяную верёвку в знак запрещения входа посторонним в помещение, где находится новорожденный); 2. тэмд. н. дээһээр хэгдэһэн, дээһэндэ хабаатай (волосяной, из волосяной верёвки): Тиихэдэнь тэдэнэй ябажа гараһан харгы замынь үнѳѳхи эмнигшэ Гатабай бариһан дээһэн бугуулиин түхэлтэй бүтүү болохо юм (Б. Мунгонов); Морёо шаргынгаа дээдэ талада, ташалуур ѳѳдэ залажа байлгаад, дээһэн боожоёо аргамжаһаа залгажа уяад, гүүжэдээ бүхэлѳѳдхибэ (М. Осодоев); дээһэн гэшхүүр хоёр дээһэнэй хоорондо бэхилэгдэһэн хүндэлэн модохонуудтай хүнгэн гэшхүүр (верёвочная лестница).