ДЭБЖҮҮЛХЭ

үйлэ ү., идх. залог 1) ургуулха, түгжѳѳхэ, тэжээхэ, дэгжээхэ (растить, воспитывать): «Залуушуулые түргэн ѳѳдэнь дэбжүүлхэ хэрэгтэй», – гэжэ хэлэдэг (А. Ангархаев); 2) дурадхаха, али нэгэн тушаал эзэлхээр дурадхаха (выдвигать, продвигать): Бригадын командирай тушаалда Третьягые, комиссараар Баторовые дэбжүүлхэ гэһэн зон гараа үргэебди (Б. Шойдоков); асуудал дэбжүүлхэ асуудал табиха (выдвигать вопрос): Амиды бусаа һаа, энэ дайдын баялигые ашагладаг болгохо, үнэтэ ангуудые үдхэхэ асуудал дэбжүүлхэб гэжэ Сибирцев һанаандаа сэдьхэнэ (Д.-Д. Дугаров); 3) хүгжѳѳхэ, дэгжүүлхэ (развивать, совершенствовать): Нэрэ алдар нэхэжэ ябадаггүй, ажалаа дэбжүүлхээ ябадаг юм. Тиигэжэ мэдэ (А. Шадаев).