ДЭБТЭХЭ

үйлэ ү. уһа, шииг шэнгээхэ, уһа зуужа зѳѳлэрхэ, нют. ебтэрхэ (пропитываться водой): Тиигээд дэбтэжэ нилсайшаһан шабар соогуур холо холо һүрэн, үйлсын хойто хажуугай налшагархан сайлалгын гэр тээшэ гүйбэ (К. Цыденов); садаха дэбтэхэ яряан., жэрх. гэдэһээ дүүргэхэ, хэм гаднаар садаха (насыщаться, наедаться): – Садаха дэбтэхэ амитан бэшэл тэрэш (С. Цырендоржиев); садаха дэбтэхэгүй яряан., шоодб. а) эдихэдээ садахагүй (прожорливый): Эреэн сарыень үбһэ хулһанай хорёо эбдэдэг, тэжээлдэ ородог, үнгэржэ ерэхэдээ үлгѳѳтэй байһан хубсаһа хунар эдидэг, садаха дэбтэхэеэ мэдэхэгүй гэжэ байжа гэмэрнэ (Ц.-Ж. Жимбиев); б) юумэ абаха, эрихэдээ хэм хэмжээ мэдэхэгүй, хомхойрхо (жадный, ненасытный): …Эдэшни үгытэй зоной зѳѳри эдижэ дарладаг, доромжолдог, наһан соогоо садаха дэбтэхэгүй хубалза шэнги зон гээшэ (Б.-Б. Намсарайн).