ДЭБХЭРХЭ

үйлэ ү. 1) хоёр хүлѳѳ нэгэ доро үргэжэ һүрэхэ, собхорхо, ѳѳдэ харайха (прыгать, скакать): Мориниинь бүри эршэтэйгээр булгижа мэдэнэ, мээл урбалдашана аа гү гэжэ һанахаар ондого-сондого дэбхэрнэ, соройжо байгаад собхорно, сугана (Ц.-Ж. Жимбиев); дэбхэрхэ собхорхо һүрэхэ, ѳѳдэ харайха (прыгать, скакать): Дэбхэрхэ собхорходоо, тэрэ нэгэ бага дулаасаба ха, шуухиран доошоо һуужа, амяа даруулба (Б. Мунгонов); Хонхосогһоо халихалаараа табсантаһан хүхэ шулуунууд дээгүүр дэбхэрэн собхорон, Байгал ехэ далай тээшэ хурдан урадхалаар дүүлинэ (Б. Мунгонов); дэбхэржэ бууха үндэр газарһаа һүрэн, харайн бууха (спрыгнуть с чего-л.): Мориной гүйдэл дунда Гүн Эрбэд дэбхэржэ буугаад, Ван-Түмэрэй хүдэр томо бэеые шабар сооһоо татан үндылгэбэ (Д. Батожабай); уһа уруу дэбхэрхэ уһа уруу һүрэжэ орохо (бросаться в воду).