ДАРАМТА

1. юум. н. 1) хүндэ шэгнүүртэй үлүү ашаан, зүйл (груз, балласт): Гайха-ехэ. Газетын саарһанда аятайхан орёогоотой улаан хирпиисэ… Энэл дарамта болоо ха юм (Буряад Yнэнһѳѳ); 2) туһа, нэмэригүй, юумэ хонжолсоһон хүн, зон, амитан гэхэ мэтэ (обуза): – «Шамайе ехые эдидэг, хоолойн дарамта!» гэжэ Намдаг баян хэлээ һэн, – гээд, Шара-Дамба эльгэ хатаба (Д. Батожабай); Бэһэтэй хүниие үргѳѳд ябабал, тулга болохо, дараад ябабал, дарамта болохо (Оньһ. ү.); (гэрэй) дарамта боложо һууха хэн нэгэнэй хүзүүн дээрэ һууха, хэн нэгэнэй даашада гү, али дааша дээрэ байха (≈ сидеть на шее): Хайшаашье һаань арилжа, үгы болохоб – яахадаашье дахин абгайхандаа дарамта боложо һууха аргамгүй (К. Цыденов); – Яагаа хашартай зүнтэг залуу хоёргшобта, гэрэйл дарамта боложо һуухат! (А. Жамбалдоржиев); ◊ дарамтаһаа һалаха хэрэггүй, үлүү юумэнһээ, дарлалтаһаа һалаха, сүлѳѳрхэ (разгибать спину); 2. тэмд. н. дарлаһан, муу, даруу түхэлтэй болгоһон (удручающий, портящий вид): Анхан хада малай байһан аад, мүнѳѳ болоходо хэрэгээ болижо, задаржа эхилһэн газаахи хорёо, буусань энэ гэрые бүрил дарамта, зүдэрүү түхэлтэй болгодог (К. Цыденов).